Осиё тараққиёт банки ва “Индорама Агро” МЧЖ хорижий корхонаси Ўзбекистон учун 15 млн АҚШ долларлик қарз келишуви имзолади. Қайд этилишича, ушбу маблағ Ўзбекистонда фермерларининг даромад манбаларини яхшилаш, уларнинг иқлим ўзгаришига чидамлилигини ошириш ва CОВИД-19 пандемиясидан сўнг давом этаётган тикланишни қўллаб-қувватлаш учун ажратилади.

Шунингдек, қарз пахта ва буғдой етиштирувчи фермерларга авансларни молиялаштириш, 3600 дан ортиқ фермер ва қишлоқ хўжалиги ишчилари манфаати учун, шунингдек, уларнинг иқлим ўзгаришига чидамлилигини ошириш ва барқарор қишлоқ хўжалиги амалиётини илгари суриш учун бевосита агротехник ёрдам кўрсатишга йўналтирилади.

Молиялаштириш барқарор ривожланишга боғлиқ қарз (БРБҚ) сифатида тузилган ва унда фермерларни "Беттер Cоттон Инитиативе" (БCИ) тамойилларига ўргатиш ва зараркунандаларга қарши курашишнинг комплекс амалиётни такомиллаштириш билан боғлиқ самарадорликнинг муҳим кўрсаткичлари назарда тутилган. БCИ тамойиллари агрокимёвий моддаларга қарамликни камайтириш, сув ресурсларини ва ер ресурсларини самарали бошқариш ва биохилма-хилликни таъминлаш мақсадида зараркунандаларга қарши курашишнинг биологик воситаларини афзал кўришни, шунингдек халқаро меҳнат, гендер ва ижтимоий ҳимоя стандартларини илгари суришни ўз ичига олади. Барча БРБҚ мақсадларини мустақил томон баҳолайди.

Ўзбекистоннинг қишлоқ хўжалигида қарийб 3,7 миллион киши иш билан таъминланган бўлиб, у мамлакатдаги энг йирик иш ўринлар манбаи ҳисобланади. Бунда пахта ва буғдой етакчи ўринни эгаллайди. 2021 йилда қарийб 580 минг тонна пахта етиштирилиб, Ўзбекистон жаҳонда саккизинчи ўринни эгаллади

ОТБ учун озиқ-овқат хавфсизлиги устувор масала бўлиб ҳисобланади. Минтақадаги фермерлар ва агробизнесни тўғридан-тўғри қўллаб-қувватлаш ушбу ташаббуснинг асосий жиҳати. Бунда хусусий секторга ОТБ томонидан 3,5 миллиард АҚШ доллари ва биргаликда молияштириш шаклида 5 миллиард АҚШ доллари тақдим этилиши кутилмоқда.

"Индорама Cорпоратион" Сингапурда жойлашган Осиёдаги етакчи кимёвий холдинглардан биридир. "Индорама Cорпоратион"нинг тўққиз мамлакатда азотли ўғитлар, фосфорли ўғитлар, полиетилен, полипропилен, полиестер, тўқимачилик, пахта толаси ва тиббий қўлқоплар каби турли хил маҳсулотлар ишлаб чиқарадиган 31 дан ортиқ ишлаб чиқариш майдонлари мавжуд.

Индорама - Саҳрои Кабирдан жанубда жойлашган Африка мамлакатларидаги энг йирик ўғит ишлаб чиқарувчи, Ғарбий Африкадаги энг йирик полиолефин ишлаб чиқарувчи ва дунёдаги учинчи йирик синтетик қўлқоп ишлаб чиқарувчисидир. Бундан ташқари Индорама пахта ва синтетик ипларнинг интеграсиялашган ишлаб чиқарувчиси бўлиб ҳисобланади. "Индорама Cорпоратион"да бутун дунё бўйлаб 22 000 дан ортиқ киши ишлайди.

• Осиё тараққиёт банки
• Ташқи қарз