Тошкентдаги « Темур » метро бекати ҳудудида тарқалаётган нохуш ҳидга шаҳар оқова сув тармоқларидаги носозлик сабаб бўлгани маълум қилинди. Бу ҳақда « » АЖ хабар берди.

Қайд этилишича, Мустақиллик шоҳ кўчасидаги оқова сув тармоғидаги носозлик туфайли сизиб чиққан сув метро туннели бетон конструкцияси орқали бекатнинг ички қисмига кирган. Натижада нохуш ҳид юзага келган.

« » АЖ ҳолат юзасидан Тошкент шаҳар ҳокимлиги ва шаҳар оқова сув тармоқлари бошқармасига мурожаат қилиб, носозликни зудлик билан бартараф этишни сўраган.

Метрополитен маъмурияти йўловчилар учун қулай ва хавфсиз шароит яратиш мақсадида вазиятни назоратга олган.