Солиқ қўмитаси матбуот хизматининг хабар беришича, Ўзбекистонда Солиқ органларининг ахборот тизимлари билан интеграциялашган такси агрегаторлари сони 142 тага етган.
Қайд этилишича, аввал норасмий ишлаб келган ярим миллион нафардан ортиқ фуқаро (576,1 минг нафар) йўловчи ташиш соҳасида ўзини ўзи банд қилган шахс сифатида расман рўйхатдан ўтган. Улардан 361 минг нафардан ортиғи агрегаторлар орқали хизмат кўрсатади, бу март ойидаги кўрсаткичларга нисбатан икки баробар кўп.
2024 йил бошидан 15 августгача агрегаторлар орқали 166 миллиондан ортиқ қатнов учун 3 триллион сўмлик фискал чек берилган. Тўловларни фискаллаштириш ўзини ўзи банд қилган ҳайдовчиларнинг даромадлари ҳақида маълумот олиш имконини беради.
Уларнинг даромади қуйидагича тақсимланган:
125,6 минг нафари —1 миллион сўмгача;
104 минг нафари — 1-5 миллион сўм;
45,3 минг нафари — 5-10 миллион сўм;
78 минг нафари — 10-50 миллион сўм;
7,6 минг нафари — 50-100 миллион сўм.
171 нафар ҳайдовчининг даромади 100 миллион сўмдан ошган.
Бундан кўринадики, ҳар учинчи ҳайдовчининг ойлик даромади 1 миллион сўмдан ошмайди.
Бир марталик йўловчи ташишнинг ўртача нархи — 18 003 сўм.
Ўзини банд қилган ҳайдовчиларнинг 39,5 фоизи 30 ёшгача бўлган, 33,8 фоизи 30 ёшдан 50 ёшгача бўлганлар, 6,7 фоизини эса 50 ёшдан юқори бўлган кишилар ташкил этади.
Маълумот учун, таксичилик учун энг кўп фойдаланилаётган автомобиллар Nexia (22, 3 фоиз), Cobalt (19,7 фоиз), Lacetti (16,4 фоиз). Ундан кейинги ўринларда Spark (13,2 фоиз), Matiz (9,7 фоиз), Tracker (0,9 фоиз), Malibu (0,7 фоиз) ва бошқа автомобиллар бор.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!