Ўзбекистонда ушбу ҳафта бошида совуқ бўлиши ҳақида хабарлар тарқалди.

“Ўзгидромет” мазкур хабарларга муносабат билдирди. Унга кўра, ҳафтанинг биринчи ярмида қорли ва аёзли об-ҳавони олиб келган совуқ антициклон Ўзбекистон ҳудудидан тезлик билан чекинади. Душанба куни республика бўйлаб ёғингарчилик кутилмайди. Ҳаво ҳарорати кўтарилиб, кечаси 0-5 даража совуқ, кундузи 2-7 даража илиқ бўлади, бу декабрь ойининг шу кунлари учун иқлим меъёрига яқин.

18 декабрь куни салқин ва нам ҳаво массаси республиканинг шимолий ҳудудларига, 19 декабрдан эса қолган ҳудудларга ўта бошлайди. Республика бўйлаб ёғингарчилик бўлади. Шимолда чўл зонаси ва тоғли ҳудудларда қор кўринишида ёғингарчилик бўлади. Ҳаво ҳарорати 18 декабрда кечаси 0-5 даража совуқ, кундузи 5-10 даража илиқ, республика шимолида кечаси 0-5 совуқ, кундузи 0-5 даража илиқ бўлади.

19 декабрда кечаси 2 даража совуқдан 3 даража илиққача, кундузи 2-7 даража илиқ, шимолда кечаси 5-10 даража совуқ, кундузи 0-5 даража илиқ бўлади. 20 декабрда кечаси 2 даража совуқ, 3 даража илиқ, кундузи 2-7 даража илиқ, шимолда кечаси 3-8 даража совуқ, кундузи 0-5 даража илиққача бўлади, бу ҳам қиш мавсуми учун иқлимий меъёр ҳисобланади.

• Аномал совуқ
• Qish mavsumi