2022 йилнинг 1 май ҳолатига кўра, Ўзбекистонда ахборот ва алоқа соҳасида фаолият кўрсатаётган корхоналар сони 10 859 тани ташкил этди. Бу ҳақда Давлат статистика қўмитаси маълум қилди.

Қайд этилишича, ушбу кўрсаткич ўтган йилнинг мос даври билан солиштирилганда 108,6 фоизга ошган. 2022 йил январь-апрель ойларида ахборот ва алоқа соҳасида 896 та корхона янги ташкил этилиб, уларнинг 892 таси кичик тадбиркорлик субъектлари ҳиссасига тўғри келган.

Қуйида мазкур соҳада янги ташкил этилган корхоналар сони энг кўп ҳудудлар келтирилган:
Тошкент шаҳри – 351 та;
Самарқанд вилояти – 92 та;
Фарғона вилояти – 64 та;
Тошкент вилояти – 56 та.

• Kommunikatsiya
• статистика