Ҳукумат қарори билан Вазирлар Маҳкамасининг “Қишлоқ хўжалигига мўлжалланган ер участкаларини ижарага бериш тартибига доир норматив-ҳуқуқий ҳужжатларни тасдиқлаш тўғрисида” 2021 йил 24 ноябрдаги қарорига ўзгартириш ва қўшимчалар киритилди. Бу ҳақда Адлия вазирлиги хабар бермоқда.

Қарорга қуйидаги ўзгартириш ва қўшимчаларни киритиш белгиланди:

– қишлоқ хўжалигига мўлжалланган ер участкаси ижарачисининг ўзида қоладиган ва қайта ижарага олувчига ўтказиладиган ер участкаларининг майдони Ер кодекси 46 прим 1-моддасида белгиланган ўлчамлардан кам бўлмаслиги; 

– ер участкасини қисман қайта ижарага беришда уларни ижарачи ва қайта ижарага олувчи ўртасида тақсимлаш қишлоқ хўжалиги харитасидаги контурлар яхлитлиги ва амалдаги суғориш тизимини сақлаб қолган ҳолда алоҳида турган контурларни қайта тақсимлаш орқали амалга оширилиши;

– ер участкасини қисман қайта ижарага беришда тарафлар қишлоқ хўжалигига мўлжалланган ер участкасини бўлиш ва унинг янги чегараларини белгилаш бўйича давлат хизматларидан фойдаланиши. 

2025 йил 1 ноябрь ҳолатида республика бўйича солиқ органларида 624 мингга яқин ижара шартнома ҳисобга қўйилган бўлиб, улар бўйича 957,6 миллиард сўм солиқ ҳисобланган. Бунда ижарага берилган кўчмас мулк объектлари сони 326 минг 746 тани ташкил этган. Уларнинг 55 мингдан ортиғи юридик шахслар, 271 мингдан кўпроғи эса жисмоний шахслар томонидан олинган. Жисмоний шахслар ўртасида тузилган шартномалар сони 2024 йилнинг мос даврига нисбатан 11,1 фоизга ўсган бўлиб, улар асосида 732,6 миллиард сўм даромад солиғи ҳисобланган. Бу кўрсаткич ҳам ўтган йилга қараганда 50,8 фоизга юқоридир.

• Адлия
• Янгилик
• Yer