Полшанинг Грифино шаҳри яқинида ноёб ва ягона ўрмон мавжуд. У ерда дарахтлар эгри ҳолда ўсади.

Ўрмон 1930 йилларнинг бошларида ташкил этилган бўлиб, майдони 1,8 гектар атрофида. Ҳудудда тахминан 400 та букилган дарахтлар бор. Буларнинг барчаси қарағай дарахтлари.

Ердан 25-30 сантиметр баландликда қийшиқ дарахтнинг шохи шимолга томон бир-бирига боқиб, сўнгра камонни ифода этиб, ўзининг стандарт ҳолатига қайтади.

Одамлар қарағайларнинг ёшлик давридаги кучли шамоллар уларни қийшайтириб қўйган деб ишонишади. Баъзилар эса ҳарорат ва намликдаги ўзгаришлар дарахтларнинг бундай деформациясига олиб келганини айтишади.

Ҳозирда у давлат томонидан ҳимояланадиган табиий ёдгорлик ҳисобланади. Бу ердаги дарахтларни кесиш ёки шикаст етказиш қонун билан жазоланади.

• Полша