Янги Қонун билан Ўзбекистонда маҳаллий бошқарув тизими тубдан ўзгармоқда. Энг асосий янгилик — энди ҳоким ва Кенгаш раиси лавозимлари бир-биридан ажратилди. Бу шунчаки ном ўзгариши эмас, балки ваколатларнинг аниқ тақсимланишидир.

Ким нимага жавоб беради?

Халқ депутатлари Кенгаши (вакиллик органи): Энди асосий “буюртмачи” ва “назоратчи” — бу Кенгаш.

Ҳудуд ривожланиш дастурини тасдиқлайди;

Сув ва оқова хизматлари учун тарифларни (нархларни) тасдиқлайди;

Ички ишлар бошлиқларининг (профилактика ва жамоат хавфсизлиги бўйича) ҳисоботини эшитади.

Ҳокимлик (ижро органи): Ҳокимлар энди Кенгаш тасдиқлаган режани бажарувчи ҳисобланади.

Дастурларни ҳаётга татбиқ этади;

Мактаб, боғча, йўл ва инфратузилмани қуради ва таъмирлайди;

Инвестиция олиб келади ва шароит яратади.

Муҳим ўзгариш: Илгари ҳокимларда бўлган 26 та ваколат Кенгашларга олиб берилди. Масалан, энди ҳоким профилактика инспекторини лавозимга тасдиқламайди.

Бу нима беради? Бу ўзгаришлар жойларда “бир шахс бошқаруви”га чек қўйиб, ўзаро тийиб туриш ва мувозанат тизимини яратади. Энди қарорлар халқ вакиллари (депутатлар) томонидан назорат қилинади, ҳокимлар эса фақат ижро учун жавоб беради.

• Кенгаш
• Ўзбекистон
• Янгилик
• ҳоким