Кеча, 4 июль куни Россия президенти Владимир Путин Луганск Халқ Республикасини озод қилишда алоҳида ажралиб турган генерал-майор Эседулла Абачев ва генерал-полковник Александр Лапинга Россия Қаҳрамони унвонини бериш тўғрисидаги фармонни имзолади. Ҳужжат душанба куни ҳуқуқий ахборотнинг расмий порталида эълон қилинди.

«Ҳарбий бурчни бажаришда кўрсатган жасорати ва қаҳрамонлиги учун Абачев Эседулла Абдулмўминович – генерал-майор, Лапин Александр Павлович – генерал-полковникга Россия Федерацияси Қаҳрамони унвони берилсин», — дейилади фармон матнида.

Маълумот ўрнида, 3 июль куни Россия Мудофаа вазири Сергей Шойгу Россия Президенти Владимир Путинга Лисичанск шаҳри Луганск халқ республикаси назорати остига олингани ҳақида ҳисобот берди. Мудофаа вазирлигида таъкидланганидек, РФ Қуролли Кучлари ва ЛХР халқ милицияси шаҳар ва яқин атрофдаги бир қанча аҳоли пунктлари устидан тўлиқ назорат ўрнатди, уларнинг энг йириклари Белогоровка, Новодрузжеск, Малорязансево ва Белая Гора.

• Қаҳрамон
• Россия