Қашқадарё вилояти медиа ҳафталик лойиҳасининг тўртинчи манзилига айланди ва айнан шу босқичда ҳафталик давомида ўтилган барча дарслар амалий натижага айланди. Тренинглар жараёнида иштирокчилар назария билан чекланиб қолмади — фикр, режа, танқид ва хулоса бир тизимда ишлади.

Натижада контент яратиш ёндашуви сезиларли даражада янгиланди: хабарлар бошқача тузилди, кадрлар янгича услубда олинди, умумий қараш эса тубдан ўзгарди. Энг муҳим жиҳатлардан бири — иштирокчилар ахборот тезлигини бошқариш орқали аудитория ишончини шакллантириш мумкинлигини англаб етди. Энди асосий эътибор шунчаки хабар етказишга эмас, балки унинг таъсир доирасини кенгайтиришга қаратилмоқда.

Умуман олганда, Қашқадарё вилоятидаги медиа ҳафталик ҳудудий медиа маконига янги руҳ олиб киргани қайд этилмоқда. Лойиҳа давом этади — навбат Самарқандга. 27-апрель — 1-май кунлари ушбу ҳудудда ҳам медиа ҳафталик янги босқични бошлаб бериши кутилмоқда.