Исроил ва Ливан ўртасидаги сулҳ Оқ уйда ўтказилган музокаралардан сўнг яна уч ҳафтага узайтирилди. Қарор АҚШ воситачилигида эришилган келишув асосида қабул қилингани халқаро ахборот манбаларида қайд этилди.

Бу ҳақда Доналд Трамп маълум қилиб, томонлар ўртасида кескинликни юмшатиш ва барқарорликни сақлаш мақсадида вақтинчалик келишув узайтирилганини билдирди.

Маълумотларга кўра, Оқ уйда ўтказилган музокараларда АҚШ расмийлари ҳам иштирок этган. Вашингтон, шунингдек, Ливанга "Ҳизбуллоҳ"га қарши курашда кўмак беришини ҳам билдирган.

Шунга қарамай, минтақадаги вазият ҳали ҳам тўлиқ барқарор эмаслигини, айрим ҳудудларда кескинлик сақланиб қолаётганини таъкидлашмоқда. Музокаралар давом эттирилиши ва якуний келишувга эришиш устида иш олиб борилаётгани қайд этилган.

• АҚШ