Ўтган уч йилда Қорақалпоғистон Республикасида марказлашган ичимлик суви билан таъминланиш даражаси 61,5 фоиздан 70,5 фоизга, канализация қамрови 5,4 фоиздан 5,6 фоизга етказилган. 

Шунингдек, келгуси беш йилда республикада марказлашган ичимлик суви билан таъминланиш даражаси 70,5 фоиздан 89,7 фоизга, канализация қамрови эса 5,6 фоиздан 24,6 фоизга етказилиши режалаштирилган. Бунинг учун барча манбалар ҳисобидан 5,9 триллион сўм эвазига, 3,192 километр ичимлик суви ва 438,6 километр канализация тармоғи, шунингдек, 179 та сув иншооти қуриш ва реконструкция этилиши белгиланган.

Бундан ташқари иш ҳақи, электр-энергия, солиқ тўловлари, хорижий кредитлар тўлови амалга оширилган бўлиб, жорий ва капитал таъмирлаш, тизимни модернизация қилиш ишларида ҳам сарф-харажатлар талаб этилади.

Юқоридагилардан келиб чиқиб, “Ичимлик суви таъминоти ва оқова сувларни чиқариб юбориш тўғрисида”ги Ўзбекистон Республикаси Қонуни, Ўзбекистон Республикаси Президентининг 2020 йил 25 сентябрдаги “Ичимлик суви таъминоти ва оқова сув тизимини янада такомиллаштириш ҳамда соҳадаги инвестиция лойиҳалари самарадорлигини ошириш чора-тадбирлари тўғрисида”ги ПФ-6074-сонли Фармони ҳамда Ўзбекистон Республикаси Вазирлар Маҳкамасининг 15.09.2023 йилдаги “Ёқилғи-энергетика соҳасида бозор механизмларини жорий этишнинг қўшимча чора-тадбирлари тўғрисида”ги 475-сонли қарорига асосан Қорақалпоғистон Республикаси Жўқорғи Кенгеси томонидан 2023 йил 26 декабрда Қорақалпоғистон Республикасида ичимлик суви таъминоти ва оқова сув хизматлари учун янги тарифлар (нархлар) тасдиқланди.

Унга кўра 2024 йилнинг 15 январидан Қорақалпоғистон Республикасида ичимлик суви таъминоти ва оқова сув хизматлар бўйича қуйидаги белгиланган янги тарифлар амалда қўлланилади:

Ичимлик суви:

а) аҳоли учун –1 м3 - 2900 сўм;

б) бюджет ташкилотлари учун - 1 м3 – 5 700 сўм; (ҚҚСсиз)

в) улгуржи истеъмолчилар учун - 1 м3 – 5 700 сўм; (ҚҚСсиз)

Оқова сув хизмати учун:

а) аҳоли учун – 1 м3  - 1400 –сўм;

б) бюджет ташкилотлари учун - 1 м3 – 2 800 сўм; (ҚҚСсиз)

в) улгуржи истеъмолчилар учун - 1 м3 – 2 800 сўм (ҚҚСсиз)

• Ичимлик суви
• Ўзсувтаъминот
• Қорақалпоғистон