31°
Кечаси 18°
РАҚОБАТ ҚЎМИТАСИНИНГ “УЗУМ МАРКЕТ” ва УНИНГ ЕТКАЗИБ БЕРУВЧИСИ “БЎСТОН FOOD COMPANY” МЧЖ ИШИ БЎЙИЧА ҚАБУЛ ҚИЛГАН ҚАРОР ВА КЎРСАТМАЛАРИ БИР НЕЧА СУД ИНСТАНЦИЯЛАРИДА КЎРИБ ЧИҚИЛИБ, ЎЗ КУЧИДА ҚОЛДИРИЛДИ
Қўмита томонидан “УЗУМ МАРКЕТ” МЧЖ хусусий корхонасининг маркетплейсидан харид қилинган “Оила Танлови” номли ёғ маҳсулотининг техник жиҳатдан тартибга солиш ҳужжатларининг талабларига мувофиқлиги юзасидан келиб тушган мурожаат ўрганилди.
Олиб борилган ўрганишлар давомида аниқланишича “УЗУМ MARKET” МЧЖ хусусий корхонасининг буюртмаси асосида “БЎСТОН FOOD COMPANY” МЧЖ томонидан ишлаб чиқарилган мазкур маҳсулот қадоғида яроқлилик муддати ўша вақтда амалда бўлган ГОСТ 1129-2013 сонли норматив ҳужжат талабларига номувофиқ равишда, асосланмаган ҳолда рухсат берилган 6 ойлик муддат ўрнига 12 ой деб кўрсатилган. Шунингдек, маҳсулот қадоғида(УзТР №724) техник регламент кўрсатилмай, эски регламент кўрсатилганлиги аниқланган.
Мазкур ҳолат юзасидан Қўмита Махсус комиссияси томонидан белгиланган тартибда иш қўзғатилиб, ишни кўриб чиқиш якунлари бўйича “УЗУМ MARKET” МЧЖ хусусий корхонаси ва “БЎСТОН FOOD COMPANY” МЧЖ томонидан “Истеъмолчиларнинг ҳуқуқларини ҳимоя қилиш тўғрисида”ги Қонуннинг 6-моддаси талаблари бузилган деб топилиб, ушбу қонун бузилиш ҳолатларини корхоналарга қуйидаги тартибда бартараф этиш тавсия этилган:
бир ойлик муддатда яроқлилик муддати 12 ой деб кўрсатилган жами 145 мингга яқин “Оила Танлови” номли ёғ маҳсулотини истеъмолчилардан қайтариб олиш(тўланган маблағларни қайтариш) ёки айнан шундай мақбул сифатли товарга алмаштириш орқали бартараф этиш;
ёки истеъмолчиларнинг ҳуқуқлари бузилиши натижасида корхоналар томонидан олинган жами 1,6 млрд сўмдан ортиқ маблағни истеъмолчиларга, уларни аниқлаш имконияти бўлмаганда эса республика бюджетига қайтариш бўйича қарор қабул қилиниб, тегишли кўрсатма берилган.
Шундан сўнг, юқоридаги субъектлар Қўмита Махсус комиссияси қарор ва кўрсатмасидан норози бўлиб уни ҳақиқий эмас деб топиш тўғрисидаги аризалари бир нечта суд инстанцияларида кўриб чиқилиб, тегишли ҳал қилув қарорлари билан ариза талаблари қаноатлантирилмади ва Қўмитанинг қарор ва кўрсатмаси ўз кучида қолдирилди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
