Термиз шаҳрида Damas автомобилида 21 нафар вояга етмаган бола олиб кетилаётгани аниқланди. Болалар хусусий оилавий боғча тарбияланувчилари бўлган. Бу ҳақда Сурхондарё вилояти ИИБ ЖХХ ЙҲХБ хабар берди.
Маълум қилинишича, автомобиль ҳаракатланаётган вақтда ЙПХ ходимлари томонидан тўхтатилган. Ҳайдовчининг айтишича, болалар 16-боғчага олиб кетилаётган бўлган. Айрим болаларнинг ота-оналари уларнинг шу тарзда ташилаётганидан хабардор бўлган.
ЙПХ ходимлари бир нечта йўловчи автомобилини тўхтатиб, болаларни боғчага етказган. Ҳолат юзасидан ҳайдовчига нисбатан қонуний чора кўрилган. Муассаса мудирасига эса бундай ҳаракатнинг эҳтимолий оқибатлари тушунтирилган.
Тўпланган ҳужжатлар Сурхондарё вилояти Мактабгача ва мактаб таълими бошқармасига маълумот учун юборилган. Аввалроқ Жиззахда иккита Damas автомобилида 28 нафардан бола ташилаётгани аниқлангани ҳақида хабар берилганди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!