Туркиянинг Кожаэли шаҳрида шифокорлар беморнинг касалланган ўнг қулоғи ўрнига соғлом чап қулоғида жарроҳлик амалиётини ўтказди. Бу ҳақда «Акşам» хабар берди.

Нашрга кўра, Мурат Таракчи ўнг қулоғида суюқлик тўплангани сабабли Истанбулнинг Тузла туманидаги Окан университети шифохонасига мурожаат қилган. Бироқ операция вақтида шифокорлар адашиб, унинг чап қулоғига найча ўрнатган. Наркоздан уйғонгач, Таракчи чап қулоғида кучли оғриқ сезган ва хатони пайқаган.

Шундан сўнг тиббий гуруҳ ўша куннинг ўзида беморни яна умумий наркоз остида операция қилиб, ўнг қулоғида ҳам зарур жарроҳлик амалиётини бажарган. Таракчи шифокорнинг қулоқларни адаштирганини жиддий хато деб баҳолаб, шифохона ва шифокор устидан шикоят қилган.

Шифохона маъмурияти ҳуқуқий жараён давом этаётгани сабабли ҳозирча изоҳ бермаслигини билдирган.