АҚШ федерал судяси Доналд Трамп маъмуриятининг туғилиш орқали фуқаролик олиш ҳуқуқини чеклашга қаратилган янги фармони ижросини вақтинча тўхтатди. Бу ҳақда Реутерс хабар берди.

Қайд этилишича, Мериленд штатининг Гринбелт шаҳридаги федерал судя Дебора Бордман муҳожирлар ҳуқуқларини ҳимоя қилувчи ташкилотларнинг мурожаатидан сўнг дастлабки тақиқлов чораси жорий қилган.

Суд қарорига кўра, Трамп маъмурияти янги фармон асосида суддаги даъво доирасига кирувчи болаларга АҚШ фуқаролигини рад этиши ёки уларнинг фуқаролигини тан олмаслиги мумкин эмас.

Судя Дебора Бордманнинг таъкидлашича, АҚШ Олий суди мазкур тоифага кирувчи болалар туғилган пайтиданоқ АҚШ фуқароси ҳисобланиши масаласида аллақачон ҳуқуқий позитсиясини билдирган.

Бордман, шунингдек, Трампнинг янги фармони ушбу болаларга нисбатан қўлланилган тақдирда, унинг “деярли аниқ конститутсияга зид” бўлишини қайд этган.