Жорий йилнинг 3 декабрида Россиянинг Рязан вилояти, Рязан туманида жойлашган Дедюхино қишлоғида фожеа юз берган, тўрт ва етти яшар икки ака-ука қишлоқдаги ҳовузда чўкиб кетишган. Бу ҳақда Россия федерациясининг Тергов қўмитаси, тергов бошқармаси маҳаллий бўлинмаси матбуот хизмати хабар бермоқда.

Маълум бўлишича, болалар қишлоқда жойлашган хусусий ҳовуздаги муз устида ўйнамоқчи бўлишган, юпқа муз ёрилиб, иккиси ҳам чўкиб кетган.

Уларнинг отаси "Комсомольская правда" нашрига болаларни Ўзбекистонга олиб кетишини айтган.

"Қандай содир бўлганини билмайман, ҳали ҳам шокдаман... Болаларим рухсатсиз кўчага чиқмасди. Мультфилм томоша қилишар, уй атрофида ўйнашарди. Бирини боғчадан, бошқасини мактабдан олиб келгандим. Ўзбекистонда, ватанда кўмамиз. Қайтамизми, йўқми, билмайман" – дейди болаларнинг отаси.

• Ўзбекистон
• Россия
• фожеа