Хотира ва қадрлаш кунида биз тарихимизнинг энг фожиали, шу билан бирга қаҳрамонона саҳифаларидан бирини ёдга оламиз.

Иккинчи жаҳон уруши йилларида Ўзбекистон ўз фарзандларини фронтга юборди, минглаб эвакуация қилинган инсонларга бошпана берди, фронт ортида фидокорона меҳнат қилиб, фашизм устидан қозонилган ғалабага муносиб ҳисса қўшди.

Бу кун — халқимиз бошидан кечирган оғир синовлар хотираси, шунингдек, мардлик, матонат, меҳр-оқибат ва юксак қадриятларга садоқат кўрсатган авлодга чуқур эҳтиром ифодасидир.

Юртимизда тинчлик ва осойишталик бардавом бўлсин, ҳар бир оилада фаровонлик ва эртанги кунга ишонч ҳукм сурсин, фарзандларимиз эса уруш нима эканини ҳеч қачон билмасин.