Унда Ўзбекистон Бадиий академияси академиги Аслиддин Исаевнинг 65 та ижодий иши намойиш этилди.

Куни кеча Самарқанднинг “Чорсу” галареясида Ўзбекистон Бадиий академияси академиги Аслиддин Исаевнинг “Самарқанд руҳи рассом нигоҳида” номли шахсий кўргазмасининг очилиши бўлиб ўтди.

Тадбирда ижодкорнинг “Извошчи”, “Тўй”, “Кутилмаган нур”, “Колхоздаги оқшом”, “Куз. Қовун бозори” каби асарлари тақдим этилди.

“Маълумки, сўнгги ойлар давомида Самарқанд шаҳрига Шанхай ҳамкорлик ташкилоти аъзо мамлакатларининг рассомлари, ҳайкалтарошлари, автопойгачилари, фотографлари ва инфлюенсер-блогерлари ташриф буюришди. Уларнинг ҳар бири ўз асарлари орқали Шанхай ҳамкорлик ташкилотлари давлатларида Самарқанд руҳини акс эттиришга ҳаракат қилди. Бугунги “Самарқанд руҳи рассом нигоҳида" кўргазмаси ҳам ушбу ишларнинг мантиқий давомидир”, – дейди Туризм ва маданий меърос вазири ўринбосари Нусратилла Зикриллаев кўргазма очилишидаги нутқида.

Маълумот учун, экспозицияда рассомнинг 65 та ижодий иши намойиш этилган.

• Кўргазма
• Самарқанд
• Туризм