Жорий йил 21 март куни Самарқанд шаҳрида У.т. исмли 21 яшар қиз Бағдод кўчасидаги хонадони олдида таниши Х.И. исмли 21 яшар йигит томонидан калтакланди. Бу ҳақда “Эзгулик” жамияти маълум қилмоқда.

Олинган тан жароҳатлари натижасида қиз шифохонага ётқизилган.

Қизнинг онаси зўравон йигитнинг қизига уйланиш мақсадида бир неча йилдан бери ҳаракат қилиб келгани, аммо йигитнинг тарбияси ва юриш-туриши сабаб бу иш амалга ошмаганини маълум қилган.

Ўзбекистон инсон ҳуқуқлари “Эзгулик” жамияти зўравонликда гумон қилинаётган йигитнинг Олий Мажлис Сенати аъзоси, Самарқанд давлат университети ректорининг қариндоши – жияни эканлигини айтмоқда.

Ҳолат юзасидан Самарқанд вилояти ИИБ Матбуот котиби Жаҳонгир Саъдуллаев юқоридаги ҳолатни тасдиқлаб, ҳолат вилоят ИИБ назоратига олинганини маълум қилган. 

Ҳозирда Самарқанд шаҳри бўйича ИИО ФМБ 4-сонли ИИБ томонидан терговга қадар текширув ҳаракатлари олиб борилмоқда

Танишидан жабрланган қизга ҳимоя ордери берилган.

• ИИБ
• Жиноят
• Самарқанд
• «Эзгулик» жамияти