Самарқандда қалбаки валюта қимматликларини муомалага киритган шахс аниқланди. Бу Бош прокуратура ҳузуридаги Иқтисодий жиноятларга қарши курашиш Департаментнинг матбуот хизмати хабар берди.

Қайд этилишича, Бош прокуратура ҳузуридаги Департаментнинг Самарқанд шаҳар бўлими томонидан терговга қадар текширув ўтказилган. Ушбу жараён давомида, фуқаро М.Д. (муқаддам судланган) “Хўжасоат” МФЙ ҳудудида 2 бош қўй хариди учун фуқаро A.X.ga 4 дона 100 АҚШ долларлик қалбаки купюраларни бериб кетганлиги аниқланган.

“Ҳурматли фуқаролар, қалбакилигини билмагани ҳолда қалбаки валюта қимматликларини олиб, уни кейинчалик ўтказган шахснинг қилмиши ҳам жиноий жавобгарликни келтириб чиқаради. Шу боис, ўзаро ҳисоб-китобларни Ўзбекистон Республикаси ҳудудида қонуний тўлов воситаси ҳисобланган миллий валютада амалга ошириш орқали ўзингизни ноқонуний ҳаракатлардан асраган бўласиз”– дейилади департмент хабарида.

Мазкур ҳолат юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилиб, тергов ҳаракатлари ўтказилмоқда.

• Купюра
• Самарқанд
• qalbaki