“Samsung” компаниясига тегишли янги ақлли соат тасвирлари иижтимоий тармоқларда пайдо бўлди.

Ишончли инсайдер – “Ice Universe” янги авлод “Galaxy” соатлари ҳақида қизиқарли маълумотлар билан ўртоқлашди. Нашрнинг маълумотларига кўра, “Samsung” дизайнерлари “Pixel Watch” соатларидан илҳомланиб, эгри шиша экран дизайнига ўтишга қарор қилган. Унинг ишлатилиши мазкур аксессуарни “Google” гаджетларига ўхшатиб юборади.

Мисол учун, “Apple” компанияси йиллар давомида “Apple Watch” авлодларида эгри экран ҳимоячиларидан фойдаланиб келади. Бу эса шунчаки силлиқ юза ва соддалаштирилган дизайн эмас. Қирралар бўйлаб эгри чизиқлар имо-ишораларни бошқаришни соддалаштиради, агар фойдаланувчи бармоқлари экран четида турмаса, сенсорни бошқариш қулайроқ бўлади.

Шу билан бирга, қирралари юмалоқ шиша янада мўрт бўлади ва тасодифан бирор қаттиқ жисмга уриб олиш смарт соат эгаларига қимматга тушиши мумкин. Худди шундай, гажетнинг қаттиқ юзага эркин ҳолатда тушиши ҳам унинг шикастланишига олиб келади.

“Samsung” компанияси “Galaxy Watch 6” сериясини қачон сотувга чиқаришни режалаштираётгани ҳозирча аниқ эмас. “Watch 5” серияси эса 2022 йилда “Galaxy Z Fold 4” ва “Flip 4” билан бирга намойиш этилган, шунинг учун кейинги авлод ҳам август ойига яқин муддатда сотувга чиқарилишини кутиш мумкин.

• Samsung