Кеча Тожикистоннинг Сўғд вилояти қишлоқларидан бирида кучли ёғингарчилик ортидан юзага келган сел оқизиқлари туфайли 58 ёшли аёл ҳалок бўлган. Бу ҳақда Республика Фавқулодда вазиятлар ва фуқаролик мудофааси қўмитаси маълумот берди.

Унга кўра, 2024 йил 13 июль куни соат 17:15 да кучли ёмғир натижасида Суғд вилояти Айнский тумани Дар-Дар ҚФЙ Искодар қишлоғи ҳудудида сел оқими юзага келган.

“Сел оқибатида ушбу қишлоқда яшовчи 58 ёшли фуқаро ҳалок бўлди. Воқеа жойида вилоят Фавқулодда вазиятлар комиссияси иш олиб бормоқда. Табиий офат оқибатларидан етказилган зарар аниқланади. Табиий офат оқибатларини бартараф этиш ишлари бошланди”, – дейилади хабарда.

Шунингдек, жорий йилнинг 15 июлига қадар маҳаллий сел оқимлари, кўчкилар, дарё ва сув омборларида сув сатҳининг кўтарилиши эҳтимоли сақланиб қолганлиги маълум қилинди.

• Сел
• Тожикистон