Шаҳзода Уилям ва унинг рафиқаси Кейт Миддлтон қиролича Елизавета II вафоти натижасида янги унвонларга эга бўлгач, миллиардерга айланишди, деб ёзади Британиянинг Daily Star газетаси.

Елизавета II вафотидан сўнг Уилям дарҳол Корнуолл герцоги унвонини мерос қилиб олди ва ҳозир Корнуолл ва Кембриж герцоги ҳисобланади. 9-сентябр куни Британия қироли Чарлз III ўғли Уилямни Уелс шаҳзодаси, рафиқаси Кейтни эса Уелс маликаси деб эълон қилди.

Хабарларга кўра, янги унвонларни олганидан сўнг, шаҳзода Уилямнинг бойлиги 1,1 миллиард фунтга баҳоланмоқда. Корнуол герцоги ва Корнуол герцогиняси унвонларини олиш Уилям ва Кейт катта миқдордаги ер, ўрмонлар, дарёлар ва мулкларни мерос қилиб олишларини англатади, деб ёзади газета.

Ҳозирда Уелс шаҳзодаси ва маликаси Англия ва Уелснинг 20 та округида 128 минг гектарга яқин ерга эгалик қилади. Уларнинг бир қисми Дартмур миллий боғини ҳам ўз ичига олади.

• Буюк Британия
• қизиқарли