Шавкат Мирзиёев Uzbekistan GTL лойиҳаси тақдимоти билан танишмоқда. Давлат раҳбари шу жойнинг ўзида мутасаддиларга кўрсатмалар бермоқда.

— Битта тўғри қадам иқтисодиётни барқарор қилади. Мени хурсанд қилаётгани 3-4 миллиард АҚШ долларига тенг - GTL мажмуасини ёш-ёш, 40 га кирмаган қоракўзларимиз йўлга қўйяпти, бошқаряпти. Булар хорижда таҳсил олиб келишган.

Бу мега лойиҳадан нафақат Ўзбекистон иқтисодиёти, балки шу ерда яшаётган ғузорликларга ҳам манфаатдор бўлиши керак, – дейди давлат раҳбари.

Президент Ғузорда йирик ишлаб чиқариш объектларини ташкил этиш, инфратузилмани яхшилаш, ижтимоий объектларни кўпайтириш, аҳоли дам олиши учун маданий лойиҳалар ишлаб чиқиш ҳақида вилоят раҳбарларига топшириқ берди.

Жумладан, Президент “Ўзбекнефтгаз” АЖ раҳбарига жорий йил геологияга белгиланганидек, 1,1 трлн сўм эмас, балки икки баробар кўпроқ ажратиш ҳақида топшириқ берди.

– Бу маблағни 2 баробар кўпайтиришимиз керак. Таълимга, олимларга кўпроқ пул берайлик. Афсуски, биз геология соҳасини йўқотдик, таълимни ўлдирдик, ўқимай қўйдик. Мен бекорга бугун ректорларни ҳам чақирганим йўқ. Улар бугунги китоби билан яхши мутахассис чиқара олмайди. Талабалар амалиётни шу заводларда ўташи керак. Зўр-зўр ёшларимиз бор, фақат уларни топиш, уларга ишонишимиз керак, – деди давлат раҳбари.

• Ўзбекнефтгаз
• Qashqadaryo
• Uzbekistan GTL