Ўзбекистон Республикаси Президенти Шавкат Мирзиёев Шанхай ҳамкорлик ташкилотига аъзо давлатлар Ташқи ишлар вазирлари кенгашининг тадбирларида иштирок этиш учун Тошкентга келган Хитой Халқ Республикаси Давлат кенгаши аъзоси, ташқи ишлар вазири Ван Ини қабул қилди. Бу ҳақда Ўзбекистон Президенти матбуот котиби Шерзод Асадов маълум қилди.

Қайд этилишича, учрашувда икки томон вакиллари Ўзбекистон ва Хитой ўртасидаги ҳар томонлама стратегик шериклик муносабатларини янада мустаҳкамлаш, кўп қиррали ҳамкорликни кенгайтиришнинг долзарб масалалари муҳокама қилган.

Шунингдек, минтақавий ҳамкорликни мустаҳкамлаш истиқболлари юзасидан фикр алмашилиб, ШҲТнинг бўлажак саммити кун тартиби кўриб чиқилган.

• Prezident qabuli
• Шавкат Мирзиёев
• Van I
• Xitoy Tashqi ishlar vaziri