КХДР ташқи ишлар вазирининг халқаро ташкилот масалалари бўйича ўринбосари Ким Сунг Кюн БМТ Бош котиби Антониу Гутерришнинг Пхенянни Корея яриморолидаги провокациялардан тийилишга чақирганига норозилик билдирди, шунингдек, уни Жанубий Корея ва АҚШ ҳаракатларига эътибор бермасликда айблади.

“Қўшма Штатлар ва Жанубий Кореянинг хавфли ҳарбий ҳаракатларига эътибор бермаган, бироқ Шимолий Кореянинг ҳаракатлари “провокация” ва “таҳдид” сифатида тан олинган БМТ Бош котибининг ўта адолациз ва мувозанациз позициясига кескин норозилик билдираман. КХДР провокаторлардан ўзини ҳимоя қилиш ҳуқуқига эга”,– дейилади КХДР Марказий ахборот агентлиги (КCНА) томонидан эълон қилинган Ким Сунг Кюнг баёнотида.

КХДР ташқи ишлар вазири ўринбосари Пхенян Гутерришга ўз бурчига содиқ қолиш ва адолатни, шунингдек, холисликни сақлашни бир неча бор тавсия қилганини таъкидлади.

“БМТ Бош котиби Корея ярим ороли муаммоси бўйича билдирган унинг асоссиз ва холис позицияси АҚШ ва унинг издошларининг КХДРга қарши душманлик ҳаракатларини қўзғатувчи омил бўлиб хизмат қилишини аниқ тушуниши керак”, — дея қўшимча қилди Ким Сунг Кюн.

Маълумот учун, Шимолий Корея 18 февраль куни “Хвасон-15” қитъалараро баллистик ракетасини учирди. Ракета вертикал бурчак остида 5768 километр баландликка кўтарилди, 4015 сонияда 989 километр учиб ўтди ва Япон денгизига қулади. Шимолий Корея ушбу ҳаракатни “тўсатдан ўтказилган машқ” деб атади. Тахминларга кўра, бу Пхенян ўз ҳарбийларига ҳеч қандай тайёргарликсиз ёки огоҳлантиришсиз ИCБМъларни учиришни биринчи марта буюриши.

Бош котибнинг Яқин Шарқ, Осиё ва Тинч океани бўйича ёрдамчиси Холид Хари БМТ Хавфсизлик кенгаши йиғилишида Гутерриш Шимолий Кореянинг навбатдаги баллистик ракета учирилишини кескин қоралаганини ва Пхенянни кейинги провокацион ҳаракатлардан тийилишга чақирганини айтди. Хиарининг таъкидлашича, эълон қилинмаган учирмалар халқаро фуқаро авиацияси ва юк ташиш учун жиддий хавф туғдиради.

• БМТ
• Bosh kotib
• Шимолий Корея