Иқтисодиёт ва молия вазирлиги матбуот хизматининг маълум қилишича, 2024-йилги 2-мавсум ҳамда 2025 йилнинг 1-мавсумида (иккита мавсумда кетма-кет)  ғолиб бўлган 823 та маҳаллага жорий йилги 2-мавсум ҳамда 2026-йилги 1-мавсумда танаффус берилади.

Мазкур маҳаллалар (шунингдек, ушбу маҳаллаларда жойлашган мактаб, боғча, тиббиёт муассасалари ва бошқа ташкилотлар) навбатдаги икки мавсум доирасида ўз лойиҳалари билан иштирок эта олмайди.

Ғолиблар рўйхатига аниқлик киритилган ҳолларда ҳар мавсум бошланишидан аввал танаффус берилаётган маҳаллалар рўйхати Иқтисодиёт ва молия вазирлигининг расмий саҳифалари ҳамда “Очиқ бюджет” порталида эълон қилиб борилади.

Наманган шаҳар — “Даштбоғ”,  Когон шаҳри — “Нурафшон” ва  Шуманай тумани — “Бегжап” маҳаллаларининг 2025 йил 1-мавсумдаги лойиҳалари рад этилгани сабабли ушбу маҳаллаларга танаффус берилмайди.

“Ташаббусли бюджет”нинг 2025-йилги иккинчи мавсуми 15 июлдан бошланди. 

Бунда:

– лойиҳа киритиш босқичи — 15 июль–3 август;

– саралаш босқичи — 4–18 август;

– тарғибот босқичи — 19–21 август;

– овоз бериш босқичи — 22–31 август кунлари ўтказилади.

Ғолиблар 1 сентябрь — Мустақиллик байрами куни эълон қилинади.

Эслатиб ўтамиз, “Ташаббусли бюджет”нинг жорий йилги биринчи мавсуми 1 февралдан 20 мартга қадар давом этган эди.  Ўшанда овоз бериш якунларига кўра, 3,2 триллион сўмлик 2 369 та лойиҳа ғолиб деб топилганди.

• опен бюджет