Хоразм вилояти ИИБ матбуот хизмати хабарига кўра, ҳуқуқни муҳофаза қилувчи органларга фуқаролардан келиб тушган бир қатор мурожаатлар асосида блогерлар Фурқат Рўзметов ва Азамат Авезовга нисбатан терговга қадар текширув ўтказилган.

Қўлга олинганларга ЖКнинг қуйидаги еттита моддаси бўйича айблов эълон қилиниб, жиноят иши қўзғатилган:

- 139-модда (туҳмат) 3-қисми “а”, “г” бандлари;

- 165-модда 3-қисми “а”, “в” бандлари (товламачилик); - 168-модда (фирибгарлик) 4-қисми “а”, “в” бандлари; - - 198-модданинг 3-қисми (экинзорларни, ўрмонларни, дарахтларни ёки бошқа ўсимликларни шикастлантириш ёхуд нобуд қилиш);

- 228-модда 2-қисми “б” банди, шунингдек, 228-модда 3-қисми (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш);

- 229-модда (ўзини ўзи бошқариш) ;

- 244-6-модда 3-қисми “в” банди (ёлғон ахборот тарқатиш).

Мазкур жиноят иши доирасида Фурқат Рўзметов ва Азамат Авезовга нисбатан қамоққа олиш эҳтиёт чораси қўлланилган.

Юқоридаги шахсларнинг хатти-ҳаракатлари натижасида жабрланган фуқаролардан Урганч шаҳар Ички ишлар бошқармаси ҳузуридаги тергов бўлимига мурожаат қилиш сўралган.

• Блогер
• Жиноят
• Хоразм