Тошкент шаҳридаги Tashkent City боғи сотилади. Бу ҳақида “Иқтисодиётда давлат иштирокини янада қисқартириш ва хусусийлаштиришни жадаллаштиришга оид қўшимча чора-тадбирлар тўғрисида”ги Президент қарорида сўз боради.

Қарор билан оммавий савдолар орқали сотиладиган 1501 та кўчмас мулк обектлари рўйхати тасдиқланди. Рўйхатга Tashkent City боғи ҳам киритилган.

Шунингдек, 2022 йил 1 апрелдан маҳалладаги ҳоким ёрдамчилари томонидан бўш турган давлат обекти ёки ерлар аниқланиб:

- 2 минг квадрат метргача обектлар – ҳоким ёрдамчиларининг онлайн-буюртманомасига асосан тўғридан-тўғри электрон онлайн-ауционга чиқарилади;

- қишлоқ хўжалигига мўлжалланмаган ерлар – Ерелектрон тизими орқали юборилган онлайн-буюртманома 3 кунда тегишли идоралар томонидан кўриб чиқилади ва ижобий хулоса бўлганда, 2 ҳафтада онлайн-ауционга чиқарилади.

- Вазирлик ва идоралар, ҳокимликларнинг, 3 ойдан кўп фойдаланилмасдан бўш турган обектлар уларнинг розилигисиз ижарага бериш ёки сотиш учун савдога чиқарилади.

• Президент
• Қарор
• Tashkent city