Ўзбекистонда корхона тугатилиши ёки штатлар қисқариши сабабли ишдан бўшатилган фуқаролар учун муддатидан олдин пенсияга чиқиш тақдимномасини my.gov.uz портали орқали онлайн расмийлаштириш имконияти яратилди. Бу ҳақда Ягона интерактив давлат хизматлари портали маълум қилди.
Янги хизматдан белгиланган меҳнат стажига эга бўлган 58–60 ёшдаги эркаклар ҳамда 53–55 ёшдаги аёллар фойдаланиши мумкин. Бунда эркаклардан камида 25 йил, аёллардан эса камида 20 йил меҳнат стажи талаб этилади.
Ариза топширишда меҳнат шартномасини бекор қилиш тўғрисидаги буйруқ нусхаси тақдим этилиши керак. Меҳнат стажи ҳақидаги маълумотлар тўлиқ рақамлаштирилмаган бўлса, меҳнат дафтарчаси нусхаси ҳам талаб қилинади. Хизмат бепул кўрсатилади.
Аризалар икки иш куни ичида кўриб чиқилади. Иш қидирувчи сифатида рўйхатга олинган фуқаролар мақбул иш таклифини олиш учун 10 кун ичида бандлик бўлимига мурожаат қилиши лозим.
Агар меҳнат шартномаси бекор қилинган кундан бошлаб уч ой давомида фуқарога мақбул иш топиб берилмаса, у белгиланган тартибда ишсиз деб эътироф этилади.
Шундан сўнг муддатидан олдин пенсияга чиқиш учун тақдимнома расмийлаштирилиб, пенсия тайинлаш масаласини кўриб чиқиш учун Пенсия жамғармасига электрон шаклда юборилади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!