Жорий йилнинг 17 апрель кунидан 21 апрель кунига қадар Тошкент шаҳрининг Олмазор ҳамда Юнусобод туманларининг айрим ҳудудларида модернизация дастури доирасида электр узатиш кабелларни алмаштириш ишларини хавфсиз олиб бориш мақсадида электр энергиясида вақтинчалик узилишлар кузатилади. Бу ҳақда “Тошкент шаҳар электр тармоқлари” МЧЖ матбуот хизмати хабар берди.

Олмазор туманидаги – 21-сонли оилавий поликлиника, Руҳий касалликлар шифохонаси, Кар соқовлар жамияти, 16 ва 315- сонли мактаб, 4, 20, 39- МТМларида.

“Аҳил”, “Элпарвар”, “Иброҳим ота”, “Гулзор”, “Қорасарой”, “Олтинсой” қисман, “Мояриқ”, “Мискин” МФЙларида.

Юнусобод туманидаги – 52-сонли оилавий поликлиника, Канализация насос станцияси (КНС), 52 ва 86-сонли мактаб, 502-МТМларида.

“Астраобод”, “Туркистон”, “Минг Чинор”, “Нурмакон”, “Собиробод”, “Ҳамкоробод”, “Катта Ҳасанбой”, “Шарқ Ҳақиқати”, “Регистон”, “Йўлариқ”, “Уч Қаҳрамон” МФЙларида электр энергияси соат 08:00 дан 18:00 қадар вақтинчалик ўчирилади.

“Ўз навбатида, юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлигини билдириб ўтамиз”, – дейилади хабарда.

• Электр энергияси
• Тошкент
• Юнусобод тумани