ДХХ хабарига кўра, Фарғонада банк ходими пора олаётганида қўлга тушган. Маълум қилинишича, Республикада фаолият юритувчи хусусий акциядорлик тижорат банкларидан бирининг Фарғона банк хизматлари маркази раҳбари тадбиркорлик билан шуғулланмоқчи бўлган фуқаронинг ишончига кириб, банкнинг бош офисидаги танишлари орқали 2,5 млрд сўм кредит ажратиб бериш эвазига унинг 5 фоизини, яъни 125 млн сўм талаб қилган. ДХХ ва Иқтисодий жиноятларга қарши курашиш департаменти ходимлари ҳамкорлигида ўтказилган тезкор тадбирда банк мансабдори сўралган пул маблағи ҳисобидан 10 минг доллар олган вақтида ашёвий далиллар билан ушланган. Ҳозирда ҳолат юзасидан мазкур шахсга нисбатан жиноят ишлари қўзғатилиб, тергов ҳаракатлари олиб борилмоқда.

• Bank
• ДХХ
• Фарғона
• Пора