Яқинда Тошкент шаҳрининг Мирзо Улуғбек туманидаги 275-сонли мактабда информатика фани ўқитувчиси ва ўқувчилар ўртасида юз берган ҳолат ижтимоий тармоқларда кенг муҳокамаларга сабаб бўлган эди.

Мазкур ҳолат бўйича ўтказилган расмий текширув натижасида вазиятга аниқлик киритилди: ўқитувчи айбсиз деб топилди.

 Аниқланишича, педагог дарс жараёнида ўз касбий фаолияти ва обрўсини қонун доирасида ҳимоя қилган. Интизомни бузган айрим ўқувчиларнинг ота-оналарига нисбатан эса белгиланган тартибда маъмурий чоралар кўрилган.

 Ушбу воқеа жамиятимиз учун муҳим хулоса беради: адолат тизими ишлайди ва педагог шаъни қонун ҳимоясида. Ўқитувчи — келажак авлодни тарбиялайдиган муҳим шахс, унинг обрўси ва қадр-қиммати давлат томонидан ҳимоя қилинади.