Жорий йилнинг 24 май санасидан бошлаб “Тошкент – Исломобод” йўналиши бўйича тўғридан-тўғри авиапарвозлар йўлга қўйилади, – деб хабар қилмоқда “Дунё” АА. Ўзбекистон ва Покистон пойтахтларини бир-бирига боғлайдиган ҳаво қатновлари мамлакатимиз элчихонаси ва Uzbekistan Airways акциядорлик жамияти ташаббуси билан амалга ошириляпти. Ҳозирги кунда Покистон авиация маъмурияти билан тегишли ташкилий масалалар келишилмоқда.

Парвозлар дастлабки босқичда ҳафтасига бир марта – шанба кунлари амалга оширилади. Келгусида парвозлар сонини янада ошириш кўзда тутилган.

Таъкидлаш жоизки, ҳозирги вақтда Uzbekistan Airways АЖ “Тошкент – Лаҳор” йўналиши бўйича ҳафтасига икки марта – чоршанба ва жума кунлари мунтазам рейсларни амалга ошириб келмоқда.

• Авиақатнов
• Покистон
• Тошкент
• Uzbekistan airways