Forbes журнали маълумотларига кўра, америкалик тадбиркор Илон Маск инсоният тарихида соф бойлиги 800 миллиард доллардан ошган илк шахс бўлди. Унга тегишли реал бойлик миқдори 852 миллиард долларга етган.

Маск бойлигининг кескин ошишига SpaceX компаниясининг сунъий интеллект йўналишидаги xAI компаниясини сотиб олиши сабаб бўлган. Ушбу битим тадбиркорнинг соф бойлигини бир йўла 84 миллиард долларга оширган.

Битимдан аввал Илон Маск SpaceX’нинг қарийб 42 фоизига, xAI’нинг эса 49 фоизига эгалик қилган. SpaceX 1 триллион долларга, xAI эса 250 миллиард долларга баҳоланган қўшилишдан сўнг Маск умумий қиймати 542 миллиард долларга тенг бўлган компаниянинг 43 фоиз улушини сақлаб қолди. Нашрнинг таъкидлашича, SpaceX ҳозирда Маскнинг энг қиммат активига айланган.

Бундан ташқари, Илон Маск Tesla компаниясининг 12 фоиз акцияларига (178 миллиард доллар) ҳамда 124 миллиард долларлик акция опционларига эга.

Рейтингда иккинчи ўринни Google асосчиларидан бири Ларри Пейж эгаллаб турибди. Унинг соф бойлиги 281 миллиард долларга баҳоланмоқда, бу Маскдан қарийб 570 миллиард долларга кам.

• Boylik
• Forbes
• Ilon_Mask
• миллиардерлар