“Record” нашри ёзишича, португалиялик футболчи “Ал-Наср” клуби ҳужумчиси Криштиану Роналду жамоанинг ҳозирги ҳолатидан норозилиги сабаб Саудия Арабистонини тарк этиши мумкин.

Футболчи Саудия Арабистони Давлат инвестиция жамғармаси (ПИФ)нинг “Ал-Наср”га нисбатан муносабатидан норози. Мазкур жамғарма 2023 йилда мамлакатнинг тўртта етакчи клуби – “Ал-Наср”, “Ал-Ҳилол”, “Ал-Иттиҳод” ва “Ал-Аҳли”нинг назорат пакетини сотиб олган. Роналду фонд томонидан бошқарилаётган бошқа клублар билан солиштирганда, “Ал-Наср” трансфер бозорида етарлича фаол эмаслигини танқид қилмоқда. Унинг фикрича, PIF жамоанинг чемпионликка эришиш имкониятини чеклаш мақсадида янги футболчилар билан шартнома имзолашга тўсқинлик қилмоқда.

Ҳозирда Криштиану Роналдунинг товон пули қиймати 50 миллион еврони ташкил этади. Унинг фаолиятини давом эттириши мумкин бўлган йўналишлар сифатида МЛС ва Европа клублари кўриб чиқилмоқда.

• Ал-Наср
• Футбол
• Роналду
• Саудия Арабистони
• Спорт
• Трансферлар