Транспорт назорати инспекцияси инспекторлари ва Йўловчи ташишни мониторинг ва назорат қилиш давлат муассасаси назоратчилари томонидан, автобусларда йўл ҳақини тўламасдан ҳаракатланаётган йўловчиларга нисбатан кучайтирилган рейд тадбирлари олиб борилмоқда. Биргина 2025 йилнинг 2 апрель куни давомида чиптасиз ҳаракатланган 162 нафар йўловчиларга маъмурий баённомалар расмийлаштирилди.

Маъмурий жавобгарлик тўғрисидаги кодекснинг 144-моддаси 5-бандига асосан, йўловчининг шаҳар ичида ва шаҳар атрофига қатнайдиган автобусда чиптасиз юриши базавий ҳисоблаш миқдорининг ўндан бир қисми миқдорида жарима солишга сабаб бўлади.

“Ҳурматли йўловчилар!

Йўл ҳақини бир марталик ҚР-чипта ёрдамида амалга оширганингизда тўловингизни исботловчи ҚР-чиптани сафар давомида ўзингизда сақлаб қолишни унутманг! Назоратчи ёки инспекторларнинг текширувида уларнинг сўровига асосан мазкур чиптани кўрсатишингиз лозим.

Барча йўловчилардан автобусларда йўл ҳақини ўз вақтида тўлашларини сўраб қоламиз!”, – дейилади Ўзбекистон Республикаси Транспорт вазирлиги хабарида.

• Автобус
• Жарима
• Тошкент
• Transport vazirligi
• chipta