АҚШ президенти Доналд Трамп бу ҳақда 12 январь кечқурун Truth Social ижтимоий тармоғидаги саҳифасида маълум қилди.

“Шу вақтдан эътиборан Эрон Ислом Республикаси билан бизнес олиб бораётган ҳар қандай мамлакат АҚШ билан амалга оширадиган барча тижорий операцияларда 25 фоиз миқдорда бож тўлайди. Ушбу фармон якуний бўлиб, шикоят қилиш мумкин эмас”, — дея қайд этган Оқ уй раҳбари.

Аввалроқ Трамп Оқ уй ва АҚШ ҳарбийлари Эрондаги намойишчиларни қўллаб-қувватлаш учун ҳаракат вариантларини таҳлил қилаётганини айтган, шу билан бирга у “Эрон мухолифати раҳбарлари билан алоқада” эканини қўшимча қилганди.

Iran Human Rights ҳуқуқни ҳимоя қилиш ташкилоти маълумотларига кўра, Эронда 28 декабрдан бери давом этаётган намойишларни бостириш вақтида камида 648 нафар инсон ўлдирилган. Аммо айрим баҳоларга кўра, ҳалок бўлганлар сони 6000 нафардан ҳам ошиши мумкин. Бундан ташқари, тахминан 10 000 киши ҳибсга олинган. Экспертларнинг фикрича, Эронда интернет 100 соатдан ортиқ вақтдан бери блоклангани сабаб бу хабарларни мустақил равишда текшириш ниҳоятда қийин бўлмоқда.

• АҚШ
• Davlat boji
• Eron
• Ҳамкорлик
• Ogohlantirish
• Трамп
• savdo