Ижтимоий тармоқларда номаълум фуқаро 9-қаватдан тушиб кетган уй акс этган видео тарқалиб турли муҳокамаларга сабаб бўлмоқда. Мазкур ҳолат юзасидан Тошкент шаҳар ИИБ қуйидагиларни маълум қилди:

Жорий йилнинг 21 июль куни тахминан соат 01:30 ларда Юнусобод тумани, 9-мавзе ҳудудидаги кўп қаватли уйларнинг бирида, 2002 йилда туғилган фуқаро Т.Р. шу уйнинг 9-қаватидаги деразадан ўзини пастга ташлаган ва кириш йўлагининг том қисмига урилиб, ерга тушган. Натижада фуқаро “БМЁЖ, БМЧ, чап ўмров суяги, ўнг кўкрак суяги, биринчи бел умуртқаси компрессион синиши 2,3-даража, травматик шок 2-даражаси” ташхиси билан шифохонага олиб борилган. Ҳозирда у шифокорлар назоратидалиги айтилган.

Шунингдек, “Ўрганиш жараёнида аниқланишича, фуқаро 2024 йилнинг охиридан буён руҳиятида ўзгаришлар содир бўлиши бошланганлиги ва психолог-шифокор текширувларидан ўтказилганлиги маълум бўлди”, – дейилади хабарда.

Ҳозирда, мазкур ҳолат юзасидан Юнусобод тумани ИИО ФМБ томонидан терговга қадар текширув ўтказилмоқда.

• ИИБ
• Тошкент
• Юнусобод тумани