“Реутерс” хабарига кўра, TikTok Европа Иттифоқида фойдаланувчиларнинг ёшини аниқлаш учун янги технологияларни жорий этишни бошлайди. Қарор Европа регуляторлари босими ва бир йиллик пилот лойиҳа натижалари асосида қабул қилинган.

Янги тизим Хитойнинг ByteDance компаниясига фойдаланувчи профили, видеолари ва хулқ-атвор сигналларини таҳлил қилиб, аккаунт вояга етмаганга тегишли ёки йўқлигини аниқлаш имконини беради. Бундай аккаунтлар автоматик блокланмайди, балки модераторлар томонидан текширилади.

Аввалроқ, Европа Парламенти 13 ёшдан кичик болаларга ижтимоий тармоқлардан фойдаланишни тақиқлаш таклифини қўллаб-қувватлаган. Қонунчилар ушбу чекловни видео платформалар ва сунъий интеллект хизматларига ҳам татбиқ этиш, шунингдек, вояга етмаганларни ҳимоя қилиш қоидаларини мунтазам бузган компаниялар раҳбарияти учун шахсий жавобгарлик жорий этиш масаласини кўриб чиқишни таклиф қилмоқда.

• Ижтимоий тармоқ
• Yevropa Ittifoqi