Франция президенти Эммануэл Макрон АҚШ президенти Доналд Трампнинг Гренландиядаги вазият туфайли тарифларни жорий қилиш таҳдидини қабул қилиб бўлмаслигини эълон қилди.

Тегишли пост Франция раҳбарининг ижтимоий тармоқлардаги саҳифасида жойлаштирилган.

Унинг таъкидлашича, Париж Европада ҳам, ундан ташқарида ҳам давлатларнинг суверенитети ва мустақиллиги тамойилига содиқдир.

“Биз айнан шу мақсадда Украинани қўллаб-қувватлаймиз ва қўллаб-қувватлашда давом этамиз. Айнан шу сабабли биз Дания томонидан Гренландияда ташкил этилган машқларга қўшилишга қарор қилдик. Биз бу қарорни қўллаб-қувватлаймиз. Бу, шунингдек, Арктикада ва Европамиз чегараларида хавфсизлик хавф остида бўлгани учундир.

Биз шунга ўхшаш вазиятларга дуч келганимизда, Украинада, Гренландияда ёки дунёнинг бошқа бирон бир жойида ҳеч қандай қўрқитиш ёки таҳдидлар бизга таъсир қилмайди.

Бу контекстда тарифлар таҳдидлари қабул қилиб бўлмайди. Агар улар тасдиқланса, европаликлар бирлашган ва мувофиқлаштирилган тарзда жавоб беришади. Биз Европа суверенитетига ҳурматни таъминлаймиз”, – дея таъкидлаган Макрон.

Франция раҳбари бу маgrсала бўйича европалик шериклар билан музокаралар олиб бориш ниятида.

Аввалроқ Трамп саккизта Европа мамлакати товарлари учун 10 фоизлик бож тарифларни эълон қилганди.

• АҚШ
• Fransiya
• Макрон
• Трамп