Тошкент шаҳрида транспорт муаммоларини енгиллаштириш мақсадида қарийб 100 километр узунликдаги пуллик ҳалқа йўли қурилиши муҳокама қилинмоқда. Шунингдек, янги халқаро аэропортга олиб борувчи магистрал пуллик йўл барпо этиш имконияти ҳам кўриб чиқилмоқда.
Мазкур лойиҳалар Тошкент шаҳар ҳокими ҳамда Хитойнинг China Railway Construction Corporation компанияси раҳбарияти ўртасидаги учрашувда муҳокама қилинди. Унда шаҳар транспорт инфратузилмасини ривожлантириш, тирбандликларни камайтириш ва замонавий йўл тизимини жорий этиш масалалари кўриб чиқилди.
Шунингдек, учрашувда шаҳарни комплекс реновация қилиш, экологик талабларга жавоб берадиган қурилиш ишларини амалга ошириш ҳамда чиқиндиларни қайта ишлаш бўйича лойиҳалар ҳам муҳокама қилинди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!