Хитой дунёда энг йирик олтин қазиб олувчи давлат бўлиб қолмоқда. Visual Capitalist маълумотларига кўра, мамлакат йилига 380,2 тонна олтин қазиб олиб, глобал ишлаб чиқаришнинг 10 фоиздан ортиғини таъминламоқда.

Иккинчи ўринда 330 тонна билан Россия, учинчи поғонада эса 284 тонна билан Австралия жойлашган. Канада, АҚШ, Гана, Индонезия, Мексика ва Перу ҳам энг йирик олтин ишлаб чиқарувчилар қаторидан ўрин олган.

Марказий Осиёда эса Ўзбекистон етакчи ҳисобланади. Мамлакат йилига 129,1 тонна олтин қазиб олиб, дунё рейтингида 10-ўринни эгаллади. Қозоғистон эса 87 тонна билан минтақада иккинчи бўлди.

Дунёда олтин қазиб олиш бўйича ТОП-10 давлат:

1. Хитой — 380,2 тонна
2. Россия — 330 тонна
3. Австралия — 284 тонна
4. Канада — 202,1 тонна
5. АҚШ — 158 тонна
6. Гана — 140,6 тонна
7. Мексика — 140,3 тонна
8. Индонезия — 140,1 тонна
9. Перу — 136,9 тонна
10. Ўзбекистон — 129,1 тонна