19 май куни ижтимоий тармоқларда бир қиз йўл полицияси ходими кийимини кийгани акс этган видео тарқалди. Йўл ҳаракати хавфсизлиги давлат инспекцияси ҳодиса юзасидан изоҳ берди.

Маълум бўлишича, воқеа 10 май куни тахминан соат 19:00 да Тошкент шаҳрида содир бўлган. Қиз ва унинг дугонаси автоювиш шохобчасига борган, шундан сўнг автомобиль юкхонасидан йўл полицияси ходими кийимини топиб олишган. Қизлардан бири уни кийиб, сурат ва видеолар олиб, ҳаммасини ижтимоий тармоққа жойлаштирган.

Қизнинг сўзларига кўра, у 15 дақиқадан сўнг ҳаммасини ўчириб ташлаган, бироқ суратлар интернетда тарқалишга муваффақ бўлган. Хабар қилинишича, форма автомобиль эгасининг танишига тегишли бўлган.

Қиз қилган ишидан пушаймонлигини айтди. У ва автомобиль эгаси билан профилактик суҳбат ўтказилди. Фуқароларнинг олган жазоси ҳақида хабар берилмаган.

• Ўзбекистон
• ЙПХ