Шунингдек, жорий йил октябрь ойи якунигача 200 та электробус олиб келиниши кутилмоқда.

Транспорт вазирлиги маълумотига кўра, Тошкентда жамоат транспортини модернизация қилиш бўйича йирик дастур амалга оширилмоқда.

2025 йил октябрида 200 та 12 метрлик электробус олиб келинади. Улар асосида тўртта янги йўналиш очилади, олти йўналишда йўналиш ўзгартирилади ва тўрттасида қатновлар сони оширилади. Тошкент вилоятининг 5 та йўналиши пойтахт тизимига қўшилади.

2026 йилда яна 1000 та автобус харид қилинади: 30 таси 18 метрлик, 500 таси 12 метрлик, 470 таси эса 9 метрлик автобус ва электробуслар.

Янги Тошкентда 3 та замонавий автосарой қурилиши режалаштирилган, 2800 та иш ўрни яратилади. Лойиҳалар амалга ошгач, автобуслар сони 2891 тага, йиллик йўловчи ташиш ҳажми эса 750 миллион нафарга етади.

• Автобус
• Тошкент
• Transport vazirligi