Иккинчи Жаҳон уруши пайтида “Spitfire” учувчилари ўзларининг самолётларини жуда сезгир деб ўйлашган, аммо 2030 йилларга келиб учувчилар ўз қирувчилари билан янада яқинроқ алоқада бўлишади, самолётлар уларнинг фикрини “ўқий олади”.

“Tempest” самолёти Буюк Британиядаги BAE Systems, Rolls-Royce, Euromissile Group, MDBA ва Италиянинг Leonardo компаниялари томонидан ишлаб чиқилмоқда. У сунъий интеллект билан жиҳозланган бўлиб, учувчилар юқори босимни бошидан кечирганда ёки оғир стрессга дучор бўлганда уларга ёрдам беради.

Учувчи шлемидаги датчиклар мия сигналлари ва бошқа маълумотларни кузатиб боради. Шундай қилиб, парвоз пайтида сунъий интеллект биометрик ва психологик маълумотларнинг улкан базасини тўплайди. Датчиклар учувчининг ёрдамга муҳтожлигини кўрсатса, бортдаги сунъий интеллект ишга тушади ва унга ёрдам беради. Мисол учун, агар учувчи юқори босим туфайли ҳушини йўқотса, сунъий интеллект бошқарувни ўз зиммасига олади.

“TempestJet”нинг бизнесни ривожлантириш бўйича директори Жон Стокернинг таъкидлашича, келажакда самолётларни ишлаб чиқариш жараёнларининг аксарияти автоматлаштирилади.

• Буюк Британия
• Rolls-Royce
• Samolyot
• қизиқарли