Ижтимоий тармоқларда UFC президенти Дана Уайт ва унинг рафиқаси Эннинг тунги клубда Янги йил байрами вақтидаги жанжали акс этган видео пайдо бўлди.

Қайд этилишича, эр-хотин дўстлари билан рақс майдончаси устидаги VIP зонада бўлган ва Дана Эннга нимадир демоқчи бўлганида, унинг юзига шапалоқ урган.

Дана шу заҳотиёқ унинг юзига бир тарсаки туширган. Можаронинг кейинги ривожланишига эр-хотинни ажратган дўстлар тўсқинлик қилишган.

Шунингдек, Дана ва Энн ўша пайтда жуда маст бўлганлиги қайд этилган.

Ўз навбатида мазкур ҳолатга Дана Уайт ва унинг рафиқаси изоҳ берган.

«Дана билан турмуш қурганимизга қарийб 30 йил бўлди. Бу ҳолат унинг табиатида йўқ. Ҳеч қачон бундай нарса бўлмаган.

Афсуски, иккаламиз ҳам маст эдик. Янги йил арафасида ичкилик кўп бўлиб, вазият ҳар икки томондан ҳам издан чиқди.

Буни оила бўлиб муҳокама қилдик ва бир-биримиздан кечирим сўрадик. Умид қиламанки, одамлар бизнинг шахсий ҳаётимизни фарзандларимиз учун ҳурмат қиладилар», – деди Энн Уайт.

«Мен эркак ҳеч қачон аёлни уриш учун баҳона топа олмайди, деган йигитлардан бириман.

Бу даҳшатли вазиятлардан бири. Мен чалғиб кетдим. Бизнинг учта фарзандимиз бор ва биз уларга ушбу видеони кўрсатдик.

Энди биз оиламизга кўпроқ эътибор қаратмоқдамиз. Одамларнинг бу борада ўз фикри бўлади ва одамларнинг фикри тўғри бўлади, айниқса менинг вазиятимда. Ҳеч қачон аёлга қўл кўтарманг», – деди UFC раҳбари.

• Дана Уайт
• UFC