16 март куни Украинанинг Суми вилояти шимолий туманларида 200 га яқин одам, жумладан 26 нафар бола эвакуация қилинди. Бу ҳақда “Euronews” нашри хабар берди. Хабарда айтилишича, аксар аҳоли Великая Писаревка туманидан кўчирилган. Эвакуация қилинганларнинг 26 нафари эса болалар бўлган.

Суми вилояти Россия билан чегарадош бўлиб, сўнгги кунларда Россия томонидан кучли ўққа тутилиши кузатилмоқда. Мамлакат шимолида янги уруш нуқталари пайдо бўлиши мумкинлиги эҳтимоли сабаб, аҳоли босқичма-босқич кўчирилиши режалаштирилган.

Сўнгги икки кун ичида Россиянинг Одесса ва Харков ҳудудларига ҳужуми кучайган. Оқибатда 21 кишини вафот этган, камида 73 киши яраланган. Суми шимолида ҳам рус аскарлари тўпланиши кузатилган.

Россия Белгород вилоятининг Украина билан чегарадош ҳудудларида хавфсизлик чораларини кучайтиргани хабар берилган. Белгород Украинанинг Суми вилояти билан чегарадош. Икки вилоят чегарасида сўнгги бир ойда 12 бор ҳужум содир этилган.

• Эвакуация
• Россия
• Украина