Жорий йилнинг 30 май куни Республика вакцина сақлаш омборхонасида АҚШ Халқаро тараққиёт агентлиги (USAID) томонидан молиялаштирилган ҳолда Ўзбекистоннинг миллий иммунизация тизимини мустаҳкамлаш мақсадида Ўзбекистон Республикаси Санитария-эпидемиологик осойишталик ва жамоат саломатлиги хизматига ўта зарур бўлган совуқ занжир ускуналари ва компютерларни топширишга бағишланган тадбир бўлиб ўтди.

Таъкидланишича, умумий қиймати 1,3 миллион АҚШ доллари бўлган 671 та совутгич, 212 та музлатгич ва 150 та компютерни ўз ичига олган ушбу ускуна Ўзбекистоннинг вакцинани фунционал ва самарали бошқарувини татбиқ этиш қобилиятини оширади. 

Шунингдек, ушбу жиҳозлар бутун мамлакат бўйлаб бирламчи тиббий ёрдам муассасаларига тарқатилади.

• SSV
• USAID
• Вакцина